صـبــار..

20 04 2010


مكتوب على شجر الصبار:

“لو حلمك عاندك,

.. عانده

ياييجى لحد عندك

يا تمد جذورك

وتوصل لحد عنده”

Advertisements




قول مأثور..

19 04 2010

“..

أصل ربنا اللى خلق جواك حلمك..

عارف انك أصلح تربة ينمو فيها,

فـ ماتبخلش على حلمك وساعده انه يكبر ويتطور..

وأوعى فـ يوم تتخلى عنه..

..”

ɞ أحــمـد عــلاء ʚ

21/3/2010





اللعبة..

4 01 2010

اعرف نفسك كويس

واتصالح معاها

حب عيوبك ومميزاتك

عيوبك صلحها

ومميزاتك طورها

حدد اهدافك

وعوزها بقوة

هتنجذب ليك

وهتتبعت لك ادوات تحقيقها

استخدمها بكل طاقتك

وف نفس الوقت

خليك مرن لما تتغير المعطيات

وحتى لو فشلت تجربة

لسة قدامك 999 مرة كمان

مراحل اللعبة سهلة

بس عايزة صبر

وايمان

ان ربنا معاك مهما حصل

وان انت

بافكارك

وطموحاتك

واهدافك

والمسببات اللى خلقتك

واللى اتخلقت بسببك

واللى اتخلقت عشانك

كل ده لسبب

وان كل ده

مكتوب





ببساطة..

21 12 2009

الحياة

مفيهاش خير..

مفيهاش شر..

مفيهاش نجاح,

او فشل..

الحياة فعلا,

لعبة..

ميكانو..

قص ولزق..

سلم وتعبان..

معطيات وادوات..

ولعب..

وانت اللاعب..

وقدر بيفصلك,

لحلم بتفصله,

لحد ما تحققه..

واللعبة الحلوة هى الفيصل..





رقصتنا الأولى..

15 12 2009

فعل الرقص:
هو فعل الالتزام
بالحركات,
وبالقرب..
**

ولما قررنا نرقص لاول مرة,
دبنا ف بعض
وداب الرقص فينا
واختلطت الالوان
ولما خلصنا,
ما انفصلناش..
بقينا احنا التلاتة واحد
وكل واحد فينا التلاتة
انا .. هى .. والرقص
***
اهداء
الى رقصتنا الاولى
التى اصبحت
دائمة
((يفضل اعادة قراءة النص.. اثناء الاستماع الى اغنية تسمحى لى بتانى رقصة.. هانى عادل))
17/11/2008
الساعة 4 وربع صباحا





نصيحة..

14 12 2009

*من على قهوة العواطلية

“..

المعجزة اللى هتحقق لك احلامك,

هى ايمانك

انك انت المعجزة

“..





فراشات..

14 12 2009


مكتوب على أجنحة الفراشات:

“..

معظم الأحلام

من مستصغر الأمل

..”